Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфа «Нур» татар дәүләт театрында «Чагыл» халык театры чыгыш ясады
Уфа «Нур» татар дәүләт театры сәхнәсендә Илеш районы Югары Яркәй авылының «Чагыл» халык театры чыгыш ясады. Бу турыда Бөтендөнья татар конгрессы хәбәр итте.
«Герой юлыннан» әдәби-документаль спектакль ике тапкыр Советлар Союзы Герое Муса Гәрәевның 100 еллыгы уңаеннан дөнья күрде. Куючы режиссер – «Чагыл» халык театры җитәкчесе, Башкортстанның атказанган мәдәният хезмәткәре Эльвира Миңнегулова.
Спектакльне карарга бик күп илешлеләр, кадет сыйныфларында укучы балалар, студентлар, уфалылар килгән. Тамашачылар арасында Муса Гәрәевның улы Евгений һәм аның гаиләсе, балалары, оныклары, туганнары да бар иде, диелә хәбәрдә.
Соңыннан «Уфа «Нур» татар дәүләт театры актрисалары Резида Фәхруллина (Башкортстанның һәм Татарстанның халык артисты) һәм Дамира Сәетова (Башкортстанның һәм Татарстанның атказанган артисты) «Нур» театры директоры Фирзәт Габидуллиннан сәламләү сүзләре җиткерделәр, һәм якташларын профессиональ кимәлдә куелган спектакль белән тәбрикләделәр.
Кызыклы яңалыкларны күзәтеп бару өчен Телеграм-каналга язылыгыз