Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
“Туым җондызы” VIII фестивале җиңүчеләрен ачыклаячаклар
Сайлап алу турлары Алабуга, Кайбыч, Зәй, Чистай һәм Казанда уздырыла
(Казан, 13 гыйнвар, “Татар-информ”). 17 гыйнвар көнне “Ак Барс” яшьләр үзәгендә керәшен халык җырларын башкаручы яшьләр арасында “Туым җондызы” – “Рождественская звезда” VIII фестивале һәм конкурсның гала-концерты була.
Конкурсның максаты – керәшен музыкаль иҗатын саклау һәм пропагандалау, халык җырларын башкаручы үзенчәлекле ансамбльләр һәм солистларны ачыклау. Анда солист-вокалчылар, фольклор ансамбльләр катнаша. Сайлап алу турлары Алабуга, Кайбыч, Зәй, Чистай һәм Казанда уза.
Татарстанның дистәдән артык каласы һәм районнары конкурска үзләренең катнашучыларын җибәрергә ниятли. Быел фестиваль географиясе шактый киң. Быелгы “Туым җондызы”на Чиләбе өлкәсенең Нагайбәк районы һәм Башкортстан Республикасының Бакалы районыннан да артистлар килү планлаштырыла. Бу көннәрдә фестиваль туры уздырылачак һәм җиңүчеләр билгеләнәчәк. Алар “Этник вокал”, “Халык вокалы”, “Фольклор-эстрада вокалы”, “Фольклор ансамбль”, “Вокаль-инструменталь ансамбль”, “Инструменталь ансамбль” номинацияләрендә сайлап алына.
Җиңүчеләргә лауреат исеме бирелә һәм дипломнар, истәлек бүләкләре тапшырыла, диелә ТР Халыклар дуслыгы йорты матбугат хезмәте хәбәрендә.
Кызыклы яңалыкларны күзәтеп бару өчен Телеграм-каналга язылыгыз