Тукай районының Круглое Поле күпфункцияле үзәгендә Тимер юлчылар көнен бәйрәм итүгә багышланган чара узды. Тимер юлда көчле, һәм ышанычлы кешеләр генә хезмәт итә. Чарада юл тармагы алдынгыларын котлап алкышлар тынмады, җылы сүзләр яңгырады.
Чарада Чаллы шәһәре мэры Наил Мәһдиев булды. Мактау грамоталары һәм Рәхмәт хатларыннан тыш, тимер юл транспортында намуслы хезмәт куючыларга аерым уңышлары һәм тармак үсешенә шәхси өлешләре өчен акчалата премияләр дә тапшырылды. Анда тимер юл хезмәткәрләрен бүләкләү тантанасында Тукай районы талантлары чыгыш ясады. Бу турыда «Якты юл» сайтында хәбәр ителә.
Анда Татарстан Транспорт һәм юл хуҗалыгы министры урынбасары Айрат Садыйков, Куйбышев тимер юлы башлыгы урынбасары Марс Хәйруллин, Татарстан буенча Чаллы шәһәре Сәүдә-сәнәгать палатасы генераль директоры Фәрид Бәшәров, Тукай районы Башкарма комитеты җитәкчесе Айрат Хәбибуллин сәламләү сүзе белән чыгыш ясады.