news_header_top_970_100
news_header_bot_970_100

Туфан Миңнуллин театр сөючеләр яшь тамашачылар белән очрашты

Туфан Миңнуллин театр сөючеләр яшь тамашачылар белән очрашты

(Казан, 16 ноябрь, “Татар-информ”, Рәсилә Кәримова). Бүген Татар дәүләт яшь тамашачылар театрында (ТДЯТТ) “Туфан абый һәм балалар” дип исемләнгән театр атналыгы кысаларында драматург һәм җәмәгать эшлеклесе, Россиянең К.Станиславский исемендәге һәм Татарстанның Г.Тукай исемендәге Дәүләт бүләге лауреаты Туфан Миңнуллин театрның яшь тамашачылары белән очрашты. Очрашуга кече һәм урта яшьтәге мәктәп балары килгән иде. Алар үзләрен кызыксындырган “Спортның нинди төрен яратасыз?”, “Кайчан пьесалар яза башладыгыз?”, “Киносценарий язарга җыенмыйсызмы?” кебек күп кенә сорауларга җаваплар ала алды. Соңыннан исә балалар Т.Миңнуллин белән бергәләп, аның “Гашыйк буласым килә” дип исемләнгән пьесасы буенча сәхнәләштерелгән спектакльне карады.

Спектакльдән соң, драматургны олы юбилее белән янә бер тәбрикләп, очрашу төсе итеп һәм гел шушы спектакль үзен хәтерләтеп торсын өчен, аңа балалар һәм театр коллективы исеменнән уенчык көчек бүләк ителде.

news_right_column_1_240_400
news_right_column_2_240_400
Медиаметрикс
news_bot_970_100