Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Туендыручысын югалткан 80 яшьлек кешеләрнең пенсиясе яңадан исәпләнәчәк
2022 елның гыйнварыннан Пенсия фонды белгечләре пенсия эше материаллары буенча мәгълүматны үзләре тикшерә.
(Казан, 18 гыйнвар, «Татар-информ»). 2022 елның гыйнварыннан үз көченә кергән законнардагы үзгәрешләргә бәйле рәвештә, Пенсия фонды өлкәннәрнең пенсияләрен автомат рәвештә яңа төргә күчерәчәк, бу аларга түләү күләмен арттыру мөмкинлеге бирәчәк. Сүз 80 яшьлек пенсионерлар — туендыручысын югалту буенча пенсия алучылар турында бара.
Россия Пенсия фондының Татарстан буенча бүлеге матбугат хезмәте хәбәр иткәнчә, гамәлдәге пенсия законнары нигезендә, картлык буенча хезмәт пенсиясе алучы гражданнарга 80 яшь тулгач, арттырылган түләү билгеләнә. Бу пенсиягә сизелерлек акчалата өстәмә булып тора.
Әмма закон нормалары бары тик иминият пенсияләре алучыларга гына кагыла. Димәк, туендыручысын югалту сәбәпле, пенсия алучылар алар өчен отышлы булган пенсия төренә бары тик гариза язып кына күчә ала иде.
«2022 елның гыйнварыннан Пенсия фонды белгечләре пенсия эше материаллары буенча мәгълүматны үзләре тикшерә һәм, әгәр шул ук вакытта 80 яшьлек гражданинның пенсиясе чыннан да арта икән, түләүләр автомат режимда күчереләчәк», — диделәр Россия Пенсия фондында.
Татарстанда яшәүчеләр пенсия түләүләренә кагылышлы сорауларны бердәм элемтә үзәгенең телефонына (8 (800) 600-00-00) шалтырып бирә ала. Шалтырату бушлай.
Кызыклы яңалыкларны күзәтеп бару өчен Телеграм-каналга язылыгыз