Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Новгородта Нижгар Сабантуе узачак
13 августта Түбән Новгородның «Швейцария» паркында «Нижгар Сабантуе-2022» узачак. Бөтендөнья татар конгрессы шул турыда хәбәр итте.
Түбән Новгородта Сабантуй 1980 еллар азагыннан бирле үткәрелә һәм шул вакыттан бирле ул ел саен «Беренче май» паркында оештырылган. 2022 елда Түбән Новгород Сабантуе беренче тапкыр яңа урында – «Швейцария» паркында узачак.
Бәйрәмне «Түбән Новгород өлкәсе татарларының төбәк милли-мәдәни автономиясе» иҗтимагый оешмасы, Түбән Новгород татарларының «Нур» дип аталган җирле милли-мәдәни автономиясе Түбән Новгород өлкәсе хөкүмәте, Татарстан Республикасы хөкүмәте, Халыклар бердәмлеге йорты ярдәме белән оештыра.
Бәйрәм программасына кашык кабып йөгерү, көянтә белән узышу, аркан тарту, капчык киеп йөгерү, гер күтәрү, чүлмәк вату кебек милли уеннар кертелгән. Көрәш 12 яшьтән зуррак малайлар арасында һәм өлкәннәр арасында үтәчәк. Нижгар Сабантуенда шулай ук татарча дискотека оештырылачак, дип хәбәр итә оештыручылар.
Кызыклы яңалыкларны күзәтеп бару өчен Телеграм-каналга язылыгыз