Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камадан контракт белән хәрби хезмәткә киткән 23 яшьлек егет Украинада һәлак булган
Украинадагы махсус хәрби операция вакытында Түбән Камадан контракт нигезендә хәрби хезмәткә алынган 23 яшьлек Антон Тедиков һәлак булган. Түбән Кама районы башкарма комитеты җитәкчесе Рамил Муллин, Түбән Кама шәһәр советы, район советы, район һәм шәһәр башкарма комитеты вәкилләре мәрхүмнең туганнарының һәм якыннарының кайгысын уртаклашты.
«Чын солдатның туганнарының һәм якыннарының тирән кайгысын уртаклашабыз. Бу – тулыландырып булмый торган югалту, һәм бу кайгыны һәлак булган сугышчының туганнары белән бергә кичерәбез. Ватан героена мәңгелек дан», – диелә кайгы уртаклашуда.
Антон Тедиков Түбән Кама районының Городище авылында 1999 елда туган. 1-7 сыйныфларда Түбән Кама районының Кармалы урта мәктәбендә, 8-9 нчы сыйныфларда 34нче гимназиядә белем ала. 9 сыйныфтан соң Е.Н.Королев исемендәге Түбән Кама политехника көллиятенә укырга керә. Аны 2019 елда тәмамлый.
Хәрби хезмәтне Уссурийск шәһәрендә уза, 2022 елның 6 гыйнварында контракт төзи һәм Белогорск шәһәренә күчерелә. Икмәк пешерә торган күчмә заводны тәэмин итү бүлегендә машина йөртүче булып хезмәт итә. Өендә аны әтисе һәм әнисе, абыйсы көткән.
Антон Тедиков белән хушлашу мәрасиме 6 июльдә 11.00 сәгатьтә Җиңү монументы янында узачак.
Кызыклы яңалыкларны күзәтеп бару өчен Телеграм-каналга язылыгыз