news_header_top_970_100
news_header_bot_970_100

Түбән Кама районында картинг ярышлары була

Түбән Кама районында картинг ярышлары була
Фото Түбән Кама муниципаль районы рәсми сайтыннан

Кама Аланының 40 еллыгына багышланган, «Таиф-НК» кубогына картинг ярышлары август ахырында узачак. 12нче ярышларда җитмештән артык спортчы катнашырга планлаштыра. Бу турыда Түбән Кама муниципаль районы рәсми сайтында хәбәр ителә.

Оештыручылар кунакларга да сюрпризлар әзерләгән: быел үзенең 60 яшьлек юбилеен «Кама-Мотор-Спорт» узыш командасы җитәкчесе, автоспорт династиясенә нигез салучы, халыкара класслы спорт мастеры, СССР чемпионы һәм Европа чемпионаты этаплары җиңүчесе Николай Жаворонков билгеләп үтә.

Халыкара һәм бөтенроссия ярышларында катнашучы болидлар техник ярдәм күрсәтү автомобильләрен күргәзмә-экспозициядә тәкъдим итәчәк, алар белән теләгән һәркем таныша ала.

Картинг узышлары белән беррәттән махсус автокросс мәйданчыгында Түбән Кама җирендә автоспортка нигез салучыларның берсе кубогына ярышлар да уздырыла.

Ярышлар 20 августта Кама Аланындагы автодромда (Боз спорт сарае территориясе) узачак.

 

news_right_column_1_240_400
news_right_column_2_240_400
news_bot_970_100