Мәдәният 30 гыйнвар 2023 08:02

Түбән Кама музыка көллиятендә Камал театры оркестры концерты була

Скопировать ссылку

16 февральдә 14.00 сәгатьтә Түбән Кама музыка көллиятендә Камал театры оркестрының «Музыка һәм Драма» концерты була.

Театр оркестры башкаруында Россия композиторлык сәнгате классикларының махсус театр спектакльләре өчен иҗат иткән музыкаль әсәрләре яңгыраячак. Аларның кайберләре тамашачылаларга якын таныш, кайберләре сәхнәдән спектакль төшкәннән соң инде онытылган, тик кабат яңгыраш алачак, ә кайберләре күңелле ачыш булачак, дип хәбәр итә Камал театрының матбугат хезмәте.

Концерт программасында төрле вакытта Камал театры спектакльләрендә яңгыраган әсәрләр: Ренат Ениикеев, Салих Сәйдәшев, Хөснулла Вәлиуллин, Н.Җиһанов һ. б. музыкасы. Шулай ук Ф.Яруллинның «Шүрәле» балеты сюитасы һәм П.И.Чайковскийның «Гамлет» спектакленә язган музыкасы яңгыраячак, диелә хәбәрдә.

Оркестрның җитәкчесе һәм баш дирижеры - Данияр Соколов.

Сәхифәләр

Түбән Кама музыка көллиятендә Камал театры оркестры концерты була