Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама башкарма комитеты җитәкчесе урынбасары бер елдан соң вазифасыннан китте
Түбән Кама муниципаль районы башкарма комитеты җитәкчесенең гадәттән тыш хәлләр, гражданнар оборонасы һәм терроризмга каршы эшчәнлек мәсьәләләре буенча урынбасары Фәрхәд Сафиуллин вазифасыннан китте. Бу мәгълүматны «Татар-информ»га шәһәр хакимиятендә расладылар.
«Фәрхәд Шәфигулла улын бу вазифада кем алыштырачагы әлегә билгеле түгел. Кандидатуралар каралуда», – дип ачыклык кертте агентлыкның чыганагы.
Фәрхәд Сафиуллинның үз эшчәнлеген кайсы өлкәдә һәм кайда дәвам итәчәге әлегә билгеле түгел.
Сафиуллин җитәкче урынбасары булып 2021 елның августыннан бирле эшләде. Әлеге вазифага билгеләнгәнче ул Татарстан Республикасы Түбән Кама районы Башкарма комитетының иҗтимагый берләшмәләр белән элемтә һәм милли мәсьәләләр бүлеге башлыгы иде. Бу урынга Фәрхәд Сафиуллин 2018 елда билгеләнгәнде. 1999 елдан ул Эчке эшләр органнарында хезмәт иткән.
Кызыклы яңалыкларны күзәтеп бару өчен Телеграм-каналга язылыгыз