news_header_top_970_100
news_header_bot_970_100

ТРда автоинспекторына акча төртеп котылырга маташкан вьетнамлы штрафка тартылган

Документларны тикшергәндә, аның йөртү таныклыгының гамәлдән чыкканлыгы ачыкланган

 (Казан, 28 сентябрь, “Татар-информ”). Казанның Вахитов районы суды 44 яшьлек вьетнамлы Нгуен Тхинь Тунгны юл-патруль хезмәте инспекторына акча бәрабәренә җаваплылыктан котылу омтылышы өчен дәүләт файдасына 48 мең сум күләмендә штрафка тартты.

Бу хакта ТР буенча Эчке эшләр министрлыгының матбугат хезмәте хәбәр итә.

Быел 20 июнь көнне Нгуен Тхинь Тунг юл-патруль хезмәте инспекторы тарафыннан туктала. Документларны тикшергәндә, аның йөртү таныклыгының гамәлдән чыкканлыгы ачыклана. Административ җаваплылыктан качу максатыннан, ир-ат хокук бозу очрагы буенча беркетмә төземәвен сорап, патруль автомобилендә инспекторга 1,6 мең сум күләмендә акча бирмәкче була. Әмма полицейский ришвәттән баш тарта.

Нгуен Тхинь Тунгка карата РФ Җинаять кодексының 291нче маддәсенең 3нче өлеше (“Ришвәт бирергә омтылу”) буенча эш кузгатыла. Карар үз көченә кермәгән.

news_right_column_1_240_400
news_right_column_2_240_400
Медиаметрикс
news_bot_970_100