Җәмгыять 12 гыйнвар 2006 12:51

ТР Яшьләр эшләре, спорт һәм туризм министрлыгы туристларга Төркия якларына барудан тыелып торырга киңәш итә

Скопировать ссылку

(Казан, 12 гыйнвар, “Татар-информ”, Гөлнар Гаттарова). Татарстан Республикасының Яшьләр эшләре, спорт һәм туризм министрлыгы, республика халкын кеше иминлеге һәм аның хокукларын яклау өлкәсендә күзәтү буенча федераль хезмәтнең “Төркиядә кош гриппы белән авыру очраклары” турындагы хатына колак салырга киңәш итә. Хатта, эпидемия галәмәте җайга салынганчы, Төркия республикасының төньяк-көнчыгыш районнарына сәяхәт кылудан тыелып торырга дип язылган.

Шул уңайдан, туризм буенча федераль агентлык, туристик компанияләргә халыкка эпидемия турында хәбәр итеп торырга, Төркиягә юл алган гражданнарга карата профилактик чаралар үткәрергә һәм базар, зоопаркларга барган очракта, кош-кортлардан ераграк торырга тәкъдим итә. ТР Яшьләр эшләре, спорт һәм туризм министрлыгы да бу киңәш-теләкләргә кушыла һәм Төркиядәге хәлләр турында рәсми чыганаклардан алынган мәгълүматларга битараф калмаска кирәклеге турында кисәтә.

“Россия Федерациясендә туристлык эшчәнлеге нигезләре” турындагы федераль закон буенча, турагентлар һәм туроператорлар, туристларның иминлеген тәэмин итү максаты белән, сәяхәт кылуга янаучы куркынычлар турында искә төшереп торырга бурычлы.

Сәхифәләр

ТР Яшьләр эшләре, спорт һәм туризм министрлыгы туристларга Төркия якларына барудан тыелып торырга киңәш итә