Рәсми Татарстан 17 гыйнвар 2011 20:33

ТР Президенты «КАМАЗ-Мастер»командасын «Дакар-2011» раллиенда җиңүләре белән котлады

“Сезгә татарстанлылар һәм шәхсән үз исемемнән уникаль спорт осталыгы өчен рәхмәт”, - диелә ТР Президенты котлавында

Скопировать ссылку

(Казан, 17 гыйнвар, "Татар-информ"). Татарстан Республикасы Президенты Рөстәм Миңнеханов «КАМАЗ-Мастер» командасы җитәкчесе Семен Якубовка, «КАМАЗ» ААҖ Сергей Когогинга һәм «КАМАЗ-Мастер» командасына «Дакар-2011» раллиенда 10 тапкыр җиңүләре белән котлау телеграммасы җибәрде. Бу хакта ТР Президенты матбугат хезмәте хәбәр итә.
“Планетаның танылган автомарафонында янә татарстанлылар җиңү яулады, ә Владимир Чагин этапларда җиңүләре белән шәхси рекордын куйды. Безнең команда җиңүгә хокуклы, тырыш, үзләрен аямыйча җиңүгә омтылучы, максатчан егетләр иң югары дәрәҗәдәге бүләккә лаек.
Командада талантлы яшьләр булуы куандыра – «Дакар-2011» раллиенда Эдуард Николаев экипажы танылган команда һәм Татарстан автосәнәгате осталары киләчәгенә ныклы ышаныч белән карарга мөмкинлек бирә.
“Сезгә татарстанлылар һәм шәхсән үз исемемнән уникаль спорт осталыгы өчен рәхмәт белдерәм. Бу җиңү өчен тырышучыларның барысына да ныклы сәламәтлек, киләчәктә дә уңышлар телибез”, - диелә республика башлыгының котлау телеграммасында.

Сәхифәләр

ТР Президенты «КАМАЗ-Мастер»командасын «Дакар-2011» раллиенда җиңүләре белән котлады