Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Президенты Гайдар форумы чараларында катнаша
Форум кысаларында Рөстәм Миңнеханов РФ Кече һәм урта эшмәкәрлекне үстерү һәм көндәшлек департаменты директоры белән очрашты
(Казан, 13 гыйнвар, «Татар-информ»). Бүген Татарстан Президенты Рөстәм Миңнеханов Мәскәүгә эш сәфәре кыла. Сәфәрнең төп максаты - "Россия һәм дөнья: киләчәккә караш" Гайдар форумы чараларында катнашу.
Форум кысаларында Рөстәм Миңнеханов РФ Икътисади үсеш министрлыгының Кече һәм урта эшмәкәрлекне үстерү һәм көндәшлек департаменты директоры Максим Паршин белән очрашты. Яклар эшмәкәрлекне үстерү өчен шартлар булдыруда алга таба хезмәттәшлек мәсьәләләре хакында фикерләште.
Аерым алганда, Рөстәм Миңнеханов Татарстанда үткәрелә торган чаралар турында сөйләде. Ул ассызыклаганча, эшмәкәрлекне үстерү төбәктә өстенлекле юнәлеш санала. ТР лидеры фикеренчә, бу мәсьәләдә системалы эш, шулай ук дәүләт ярдәме кирәк.
Татарстан Президенты билгеләп узганча, республика Россия Икътисади үсеш министрлыгының барлык программаларында да актив катнаша. Ул искәрткәнчә, Татарстанда кече һәм урта эшмәкәрлеккә финанс ярдәме күрсәтү өчен "Лизинг-грант" программасы тормышка ашырыла. Сәнәгый мәйданчыклар, яңа җитештерүләр һәм яңа эш урыннары булдыруга барлык муниципаль районнар җәлеп ителә. Әйтик, Татарстан муниципаль районнарында 45 шундый мәйданчык эшли.
Моннан тыш, республикада читтән кертелгән товарларны үзебездә җитештерелгәннәр белән алмаштыруга җитди игътибар бирелә.
ТР Президенты РФ Икътисади үсеш министрлыгының Кече һәм урта эшмәкәрлекне үстерү һәм көндәшлек департаменты директоры Максим Паршинны эшмәкәрлекнең аеруча әһәмиятле проектлары белән танышу, зур сәнәгать мәйданчыкларын һәм тулаем Кама инновацион территориаль-җитештерү кластерын караргаТатарстанга килергә чакырды, дип хәбәр итә ТР Президенты матбугат хезмәте.
Фотосурәт prav.tatarstan.ru сайтыннан алынды.
Кызыклы яңалыкларны күзәтеп бару өчен Телеграм-каналга язылыгыз