Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ТР Президенты: "Чаллы һәм Яшел Үзән өчен алгарышлы үсештәге территорияләр статусын алуга ирешү зарур"
Рөстәм Миңнеханов Кама агломерациясе чикләрендә "Иннокам" инновацион-җитештерү үзәге булдырырга кирәклеген билгеләп үтте
(Казан, 28 сентябрь, «Татар-информ», Люция Камалова). Бүген моношәһәрләр алгарышлы үсештәге территорияләр булдыру мөмкинлегенә ия булу сәбәпле, якын арада Чаллыга һәм Яшел Үзәнгә шул статусны алуга ирешү зарур. Бу хакта бүген Татарстан Президенты Рөстәм Миңнеханов республика парламентына еллык юллама белән мөрәҗәгатьтә белдерде.
"Бу өстәмә ресурслар, бизнес өчен уңай шартлар булдырырга, шәһәрләрнең моноструктур икътисадын диверсификацияләүгә ирешү мөмкинлеге бирә", - диде Рөстәм Миңнеханов.
Агымдагы ел Татарстанда киеренке уза, төп макроикътисади күрсәткечләр узган елгылардан артмый, диде ул. Ә якындагы 5 елга икътисадны 1,2 тапкыр үстерү бурычы тора.
"Инвестицион активлыкны үстерергә кирәк һәм моның өчен барлык резервларны җәлеп итү зарур, - дип ассызыклады республика лидеры. Аларның берсе Кама агломерациясе чикләрендә "Иннокам" инновацион-җитештерү үзәген булдыру. - Монда инфраструктура проектларына, мәгариф һәм квалификацияле кадрлар әзерләү тармакларын модернизацияләүгә аеруча игътибар бирергә кирәк. Агымдагы елда Хөкүмәт дәрәҗәсендә "Иннокам" ны үстерү концепциясен раслау зарур", - дип аңлатма бирде республика лидеры.
Кызыклы яңалыкларны күзәтеп бару өчен Телеграм-каналга язылыгыз