news_header_top_970_100
news_header_bot_970_100

ТР Премьер-министры Яшел Үзәндә яңа торак йортны файдаланылышка тапшыруда катнашты

Чара “Яшел Үзәннең А.М.Горький исемендәге заводы” ААҖнең 120 еллыгын бәйрәм итү кысаларында узды

  (Яшел Үзән, 21 ноябрь, «Татар-информ», Аяз Исмәгыйлев). Бүген Татарстан Премьер-министры Илдар Халиков Яшел Үзәндә яңа торак йортныфайдаланылышка тапшыруга багышланган тантаналы чарада катнашты. Чара “Яшел Үзәннең А.М.Горький исемендәге  заводы” ААҖнең 120 еллыгын бәйрәм итү кысаларында узды. Анда РФ Оборона министрлыгы, Россия Хәрби диңгез флоты командованиесе, Яшел Үзән муниципаль районы җитәкчелеге, “Яшел Үзәннең А.М.Горький исемендәге  заводы” ААҖ һәм “Ак Барс” холдинг компаниясе вәкилләре катнашты.

Заводта эшләүчеләрнең торак шартларын яхшыртуда катнашу буенча социаль сәясәтне гамәлгә ашыру кысаларында йорт 2013 елның октябрендә төзелә башлаган. 5 подъездлы 10 катлы йорт – “Красный металлист” торак комплексының беренче чираты. Бу торак комплекс барлыгы 10 йорттан торачак дип планлаштырыла. Беренче йорттан ташламалы шартларда фатирларны “ Яшел Үзәннең А.М.Горький исемендәге заводы” ААҖннән 70 тән артык гаилә алды.

Бүген ТР Премьер-министры Илдар Халиков: “Республикада, Яшел Үзәндә мондый йортлар төзи ала торган предприятие пәйда булды. Бу предприятие, дөньяда иң яхшы корабльләр җитештерү, производствоны реконструкцияләүдән тыш, үз хезмәткәрләрен дә кайгырта, димәк, заводның иртәгәсе турында уйлый. Бу йортта яшәячәк кешеләрне чын күңелдән котлыйм”, - диде.

news_right_column_1_240_400
news_right_column_2_240_400
Медиаметрикс
news_bot_970_100