Хәвеф-хәтәр 18 март 2023 11:19

Төркиянең Кахраманмараш провинциясендә 4,8 магнитудалы җир тетрәү булган

Скопировать ссылку

Төркиянең көньяк-көнчыгышындагы Кахраманмараш провинциясендә 4,8 магнитудалы җир тетрәү теркәлгән. Бу хакта РИА Новости агентлыгы Европа-Урта диңгез сейсмология үзәгенә (EMSC) сылтама белән хәбәр итә.

Җир тетрәү UTC вакыты белән 5.14 сәгатьтә (Мәскәү вакыты белән 8.14 сәгатьтә) теркәлгән. Аның үзәге – Гёксун шәһәреннән көньяк-көнчыгышка таба дүрт километрда, чыганагы ике километр тирәнлектә урнашкан.

6 февральдә Төркиянең көньяк-көнчыгышындагы Кахраманмараш провинциясендә тугыз сәгать интервал белән 7,7 һәм 7,6 магнитудалы җир тетрәү булды. Җир асты селкенүләре илнең 11 провинциясендә һәм күрше дәүләтләрдә, шул исәптән Сириядә дә сизелгән. Төркия Хөкүмәте җир тетрәүне «гасыр фаҗигасе» дип атады, илдә 48 меңгә якын кеше табигый бәла-каза корбаны булган.

Сәхифәләр

Төркиянең Кахраманмараш провинциясендә 4,8 магнитудалы җир тетрәү булган