Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төркиядә илнең ярты ел эчендә НАТОдан ашыгыч рәвештә чыгачагы хакында белдерделәр
Төркия инде ярты елдан соң ук Әнкара адресына ясалган провокацион гамәлләр аркасында НАТОдан чыгарга мөмкин. Альянстан чыгу ил өчен «ашыгыч һәм мәҗбүри гамәлгә» әверелде, төрекләр үзләре исә Россиягә һәм Президент Владимир Путинга теләктәшлек күрсәтә башлады, дип белдерде «Родина» партиясе рәисе урынбасары Этем Санчак.
НАТО илләре Төркияне Грециягә каршы куярга тырыша һәм үз провокацияләре белән илне альянстан чыгарга мәҗбүр итә, дип саный сәясәтче. «Төркия 5-6 айдан соң НАТОдан чыгачак. Ул безне Якын Көнчыгыштагы упкынга тартып кертергә тырыша. Ниһаять, Швеция һәм Нидерландта узган Коръәнгә каршы акцияләрне дә күреп торасыз. НАТОдан чыгу ашыгыч һәм мәҗбүри гамәлгә әверелде», - диде ул. Бу хакта Aydınlık газетасы хәбәр итә.
Аның сүзләренчә, сораштыру нәтиҗәләре буенча АКШ сәясәтен җимергеч дип атаган төрекләрнең саны 80 процентка җиткән, шул ук вакытта, Россиягә теләктәшлек белдерүчеләр арта. «Халык якынлашып килгән куркынычны күрде һәм Хөкүмәттән алда барды», - дип өстәде Санчак.
Искәртеп узабыз, 21 гыйнварда Швециядә җирле хакимиятнең ризалыгы белән һәм полиция күзәтчелегендә Коръәнне яндыруга бәйле акция узды. Шуннан соң Төркия Швеция саклану министры Пол Йонсонның визитына рөхсәт бирмәде һәм мондый очрашуның «әһәмияте дә, мәгънәсе дә юк» дип белдерде.
Кызыклы яңалыкларны күзәтеп бару өчен Телеграм-каналга язылыгыз