news_header_top_970_100
news_header_bot_970_100

Төбәкләргә фестиваль һәм спорт чаралары уздыруга 100 млн бүлеп биреләчәк

Ростуризм төбәкләрдә спорт, гастрономия һәм мәдәни-тамаша чараларын финанслауга гаризалар җыя башлады. Бу хакта ведомствоның матбугат хезмәте хәбәр итә.

Ярдәм чарасы «Туризм һәм кунакчыллык индустриясе» илкүләм проекты ярдәмендә гамәлгә ашырыла. Гаризалар 15 августка кадәр кабул ителә.

Ярдәм алу өчен җирле халыкны гына түгел, туристларны да җәлеп итәрдәй зур фестивальләр һәм вакыйгалар оештыручылар гариза тапшыра ала. Чара бушлай булырга һәм 10 меңнән дә ким булмаган катнашучыны җәлеп итәргә тиеш.

Шул ук вакытта ярдәм тулысынча түгел, ә финанслашу форматында булачак, ягъни чыгымнарның кимендә 30 проценты бюджеттан тыш чыганакларга туры килергә тиеш.

Ростуризм башлыгы Зарина Догузова ачыклык кертүенчә, 10-25 мең кунакка исәп тоткан чаралар 50 миллион сумга кадәр ярдәм алачак, зурраклары – 100 миллион сумга кадәр.

Бүлеп бирелгән акчаларны төбәк бәйрәм мәйданчыгы булдыру, аны җиһазлау, концепция һәм программа эшләү, төп артистларны яки башка медиашәхесләрне чакыру, реклама кампаниясе өчен сарыф итә алачак.

Илкүләм проектлар Россия Президенты Владимир Путин карары буенча 2019 елдан бирле гамәлгә ашырыла.

news_right_column_1_240_400
news_right_column_2_240_400
news_bot_970_100