Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның Мәгариф һәм фән министрлыгы башлыгы укытучыларга һәйкәл куярга тәкъдим итте
Татарстанның мәгариф һәм фән министры Илсур Һадиуллин укытучыларга һәйкәл куярга тәкъдим итте. Республиканың Мәгариф һәм фән министрлыгы башлыгы мондый фикерен Халыкара Укытучылар көне уңаеннан Казан Кремлендә мөгаллимнәрне хөрмәтләү тантанасында әйтте.
«Минем уйлавымча, укытучыга һәйкәл куяр вакыт җитте. Мондый һәйкәл янына килгән һәр укучы: «Тормыш дәресләре биргән укытучыма рәхмәт. Һәм мин бүген шундый дәрәҗәләргә ирештем», дип әйтә алачак», – дип белдерде Һадиуллин.
Ул билгеләп үткәнчә, республикада 77 меңнән артык педагогик хезмәткәр эшли. Алар яшьләрне үз үрнәгендә һәм балаларга карата мөнәсәбәтләре белән тәрбияли. Министр фикеренчә, мөгаллимнәр совет мәктәбенең яхшы традицияләрен саклый һәм хәзерге заман кыйммәтләрен тагын да арттыра.
«Бүгенге укытучыларны узган гасырның 1970-80 нче елларындагы педагоглар белән чагыштырырга ярамый. Ул чакта да алар яшьләрне тәрбияләү һәм укыту аша җәмгыятьне алга этәргән булса да, хәзер дә безнең педагоглар берләшмәсенең миссиясе шундый. Балаларыбызны тәрбияләү процессында актив катнашучы укытучыларыбызны кадерләргә һәм хөрмәт итәргә кирәк», – дип басым ясап узды министр.
Кызыклы яңалыкларны күзәтеп бару өчен Телеграм-каналга язылыгыз