news_header_top
Руc Тат
16+
news_header_bot
news_top
Җәмгыять 12 апрель 2010 10:19

Татарстанның ташламалардан файдаланучыларына 592,1 млн. сумлык дару җибәрелгән

Республиканың ташламадан файдаланучыларына 476484 рецепт буенча 592,1 млн. сумлык медикамент бирелгән

Скопировать ссылку
(Казан, 12 апрель, «Татар-информ»). Агымдагы елның 9 апреленә булган мәгълүматлар буенча, республиканың ташламадан файдаланучылар категориясенә кергән гражданнарына 476484 рецепт буенча 592,1 млн. сумлык медикамент бирелгән, дип хәбәр ителә ТР Сәламәтлек саклау министрлыгының Фармация һәм медицина техникасы идарәсенең интернет битендә.
Татарстан Республикасында кирәкле дарулар белән тәэмин итү турындагы федераль программаны гамәлгә кую нигезендә социаль хезмәтләр җыелмасы төрендә дәүләт социаль ярдәме алырга хокукы булган гражданнарга 2010 елның беренче ярты елында 299,1 млн. млн. сумлык дару кайтарылды, шул исәптән «Биотэк-Казань» ҖЧҖтән – 248,5 млн. сумлык.
Гемофилия, муковисцидоз, гипофизар нанизм, Гоше авыруы, миелолейкоз, склероз, орган һәм тукымалары күчереп утыртылганнан соң дәваланырга кирәк булган гражданнарга 502,6 млн. сумлык дару кайтарылган.
Дәүләт социаль ярдәме алырга хокукы булган гражданнарга 356514 рецепт буенча 246,8 млн. сумлык; Гемофилия, муковисцидоз, гипофизар нанизм, Гоше авыруы, миелолейкоз, склероз, орган һәм тукымалар күчереп утыртылганнан соң дәваланырга кирәк булган гражданнарга 4445 рецепт буенча 255,3 млн. сумлык; бушлай дару һәм медицина эшләнмәләре белән тәэмин итүгә хокукы булган гражданнарга 115525 табиб рецепты 90 млн. сумлык дару җибәрелгән.


news_right_1
news_right_2
news_bot