Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда яшәүче гаиләләр утыздан артык ялгыз пенсионерны тәрбиягә алган
Татарстанда ялгыз яшәүче 34 кешене тәрбиягә алганнар. Аларның күбесе авылда яшәүче гаиләләр, дип сөйләде Казанда брифингта Татарстан Хезмәт, халыкны эш белән тәэмин итү һәм социаль яклау министры Эльмира Зарипова.
«Кагыйдә буларак, авыл җирлегендә өлкән яшьтәге кешеләрне ташламыйлар, аларны күршеләре яки элеккеге хезмәттәшләре карап тора. Без мондый кешеләргә, өлкән кешенең хезмәткә сәләтен югалтуга бәйле рәвештә, бу эшне рәсмиләштерү һәм дәүләттән ярдәм алу мөмкинлеге бирдек», - дип аңлатты Зарипова.
Әгәр пенсионер өченче төркем инвалид яки сәламәт кеше икән, аны караган өчен аена 6 мең сум акча түләнә. Икенче төркем инвалидны караган өчен 8 мең, ә тәрбиягә алган гаиләдә беренче төркем инвалидны караган өчен аена 10 мең сум түләнә.
«Демография» илкүләм проекты кысаларында тормышка ашырыла торган «Өлкәннәрне тәрбиягә алучы гаилә» проекты ярдәмендә Татарстанда яшәүче өлкән яшьтәге кешене тәрбиягә алучы гаиләләрне табу мөмкин булды.
Тулаем алганда, республикада озак вакытлы карау системасын булдыру буенча сынау проекты 2019 елдан бирле гамәлгә ашырыла. Бүгенге көндә 5,8 меңнән артык кеше яисә озак вакытлы карауга мохтаҗларның гомуми санының 32 процентына төрле социаль хезмәтләр күрсәтелә.
Кызыклы яңалыкларны күзәтеп бару өчен Телеграм-каналга язылыгыз