Татарстанда яшәүчеләрне томан һәм бозлавык турында кисәттеләр
Скопировать ссылку
Иртәгә, 20 ноябрьдә, Татарстанда кабат һава шартлары начарлануы көтелә. Бу хакта Гидрометеорология һәм әйләнә-тирә мохитне күзәтү үзәге хәбәр итә.
Төнлә һәм көндез республика территориясендә, шулай ук Казанда урыны белән томан төшәргә мөмкин. Юлларда бозлавык фаразлана.
Төбәктә төнлә һава температурасы -2..+2 градус, Татарстан башкаласында +1..-1 градус була.
«Татар-информ» хәбәр иткәнчә, Татарстанда җылы һава торышы атна азагына кадәр саклана.