news_header_top_970_100
news_header_bot_970_100

Татарстанда тәүлек эчендә коронавирустан 139 кеше чирләгән

Тәүлек эчендә Татарстанда 139 кеше коронавирус йоктырган. Бу хакта «Татар-информ»да узган матбугат конференциясендә Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Татарстан буенча идарәсе җитәкчесе урынбасары Любовь Авдонина сөйләде.

Республикада пандемия чорында Covid-19 белән барлыгы 149 579 кеше авырды, дип билгеләп үтте ул. 2022 елда 106 меңнән артык ковидлы кеше ачыкланган. Авыручыларның 80 проценты симптомнарсыз чирли. Авдонина сүзләренчә, әлеге чирне авыр кичерүчеләрнең проценты түбән дәрәҗәдә кала.

«Омикрон»ның өлеше 95 процент тәшкил итә. Авыручыларның күпчелеге йогышлы чирне ОРВИ белән авырган вакыттагы шикелле уздыра.

news_right_column_1_240_400
news_right_column_2_240_400
news_bot_970_100