Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда суд карары нигезендә элемтә операторларына 156 мең сумлык штраф салынган
Элемтәчеләрдә табылган хилафлыкларны төзәтүне таләп итеп, Роскомнадзор идарәсе 84 рәсми документ язып биргән, элемтә хезмәте күрсәтүгә лицензиянең вәкаләтләрен туктатып тору турында 27 кисәтү ясаган
(Казан, 18 гыйнвар, “Татар-информ”, Миләүшә Низаметдинова). Россия элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәтенең (Роскомнадзор) ТР буенча идарәсе электр һәм почта элемтәләре өлкәсендә эшчәнлек алып баручыларга тикшерү белән былтыр 99 тапкыр барган (2009 елда – 100), шуларның 21е – планнан тыш. Идарәне исә аларда эшчәнлеккә хокук биргән лицензия булу-булмау, ягъни лицензияләү шартлары үтәлү һәм электр элемтәсе буенча хезмәт күрсәткәндә һичшиксез үтәлерегә тиешле таләпләр саклануы кызыксындыра.
Нәтиҗәдә, табылган хилафлыкларны төзәтүне таләп итеп 84 (2009да – 96) рәсми документ язып бирелде, элемтә хезмәте күрсәтүгә лицензиянең вәкаләтләрен туктатып тору турында язма рәвештә 27 (2009да – 21) кисәтү ясалды, административ хокук бозулар турында 14 (2009да – 13) протокол төзелде һәм суд карамагына тапшырылды, дип белдерде идарәнең административ тәэминат бүлеге башлыгы урынбасары Татьяна Казаченко. Суд карары нигезендә исә элемтә операторларына барлыгы 156 мең сумлык штраф салынган.
Болардан тыш, идарә белгечләре 85 элемтә объекты буенча кулланылышка кабул итү комиссияләре эшендә катнашкан. Соңгыларыннан, мәсәлән, декабрь аенда “НСС” ЯАҖ күчмә элемтәсенең коммутацияләр үзәге (номерлар 200 меңгә арттырылган), “ТрансТелеКом-НН” ЯАҖнең ADSL җепселле-оптик элемтә линияләре һәм төеннәре, “ВымпелКом” ААҖнең Чаллы – Чистай участогында җепселле-оптик элемтә линияләре һ.б. объектларда шундый эшләр башкарылган.
Кызыклы яңалыкларны күзәтеп бару өчен Телеграм-каналга язылыгыз