Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда ноябрь ахырында яшелчәләр кыйммәтләнгән, ит арзанайган
Татарстанстат мәгълүматларыннан күренгәнчә, Татарстанда 21-28 ноябрьдә кайбер яшелчәләр һәм җиләк-җимешнең бәясе арткан, яңа суйган ит арзанайган.
Бер атна эчендә барыннан да элек кыяр кыйммәтләнгән. Аның килограммы 12 процентка (102 сумнан 114 сумга кадәр) арткан. Моннан тыш, кәбестә дә (килограммы 18 сумга) кыйбатланган. Суган белән бәрәңге дә калышмаган: аларның бәясе 2,5 процентка (26 һәм 25 сумга) күтәрелгән.
Әлеге чорда бер килограмм бананның бәясе – 87, сөтнең литры – 62, эремчекнең килограммы – 349, он – 44, карабодай ярмасы 84 сумга кыйммәтләнгән.
Сыер итенең килограммы – 486, дуңгыз ите – 276, тавык итенең килограммы 154 сумга кадәр арзанайган, сарык итенең бәясе (570 сум) үзгәрешсез калган.
Узган атнада ит эшләнмәләренең дә бәясе төшкән. Сосисканың килограммы – 381, ярым ысланган колбаса – 502, пешерелгән колбасаның бәясе 398 сумга кадәр арзанайган.
Кызыклы яңалыкларны күзәтеп бару өчен Телеграм-каналга язылыгыз