Татарстанда мопед белән машинага бәрелгән яшүсмер хастаханәгә эләккән
Скопировать ссылку
Шаһитлар фотосы.
Кичә 14.30 сәгать тирәсендә Мөслимдә Гагарин һәм 1 Май урамнары чатында юл-транспорт һәлакәте булган.
«Татар-информ»га Татарстан буенча Эчке эшләр министрлыгы матбугат хезмәтендә хәбәр итүләренчә, мопед белән идарә итүче 15 яшьлек яшүсмер Renault автомобиленә юл бирмәгән.
«Юл-транспорт һәлакәте нәтиҗәсендә яшүсмер төрле имгәнүләр белән хастаханәгә китерелгән. Авария килеп чыгу сәбәпләре ачыклана», - диделәр ведомствоның матбугат хезмәтендә.