Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда 80 яшьтән өлкәнрәк кешеләргә компенсация рәсмиләштерү тәртибен аңлаттылар
Бүгенге көндә Татарстанда 80 яшьлек юбилеен билгеләп үткән 137 меңнән артык кеше яши. Алар рәсми рәвештә эшләмәгән зат тәрбиясендә булса, мондый өлкәннәрнең ай саен өстәмә рәвештә 1200 сум акча алу хокукы бар. Бу хакта бүген Россия Пенсия фондының Татарстан буенча бүлеге идарәчесе Эдуард Вафин брифингта сөйләде.
«80 яшьтән өлкәнрәк гражданнарга чираттагы тапкыр мөрәҗәгать итәм. Сезнең ай саен өстәмә 1200 сум акча алу мөмкинлегегез бар. Без Татарстанда гражданнар җыеннарында, телевидениедә, радио аша бу түләүләр турында сөйлибез, мондый түләүләр алмаган һәр өлкән кешегә шалтыратабыз, аңлатабыз, чакырабыз, аны рәсмиләштерсеннәр өчен барысын да эшлибез», – дип белдерде ул.
Караучы роленә дәгъва итүченең эшсез булуы төп шарт булып тора. Гражданның бернинди дә кереме булмаска тиеш. Тәрбияләүче теләсә кем – хәтта 14 яшьтән зуррак мәктәп укучысы да булырга мөмкин, әмма пенсия алмавы шарт. Шул ук вакытта туганлык элемтәләре һәм бергә яшәү факторы да исәпкә алынмый.
«Мөһим нәрсә бар: әгәр өлкән кешене тәрбияләүче кеше эшкә урнашса, аның акчасы тотып калына. Әйтик, әби 1200 сум акча ала, ә компенсация түләве караучыдан тотып калыначак. Шуңа күрә ул эшкә урнашуы турында Пенсия фонды органнарына оператив рәвештә хәбәр итәргә тиеш», – диде Вафин.
Компенсация алу өчен гаризаны 80 яшькә җиткән пенсионер һәм аны караячак эшләмәүче гражданин да тапшыра ала. Моны Пенсия фонды сайтындагы (pfr.gov.ru) шәхси кабинетта яисә пенсия фондының клиентлар хезмәтенә барып эшләргә була. Шул ук вакытта караучы кешенең пенсия хокуклары формалаша (әгәр ул укучы булса, димәк бу хокуклар аңа мәктәп чорыннан ук бирелә).
Кызыклы яңалыкларны күзәтеп бару өчен Телеграм-каналга язылыгыз