Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда 769 күп фатирлы йортка капиталь ремонт ясалачак
Программаның финанслау күләме 6 миллиард 441 миллион сум.
(Казан, 29 гыйнвар, «Татар-информ»). 2022 елда Татарстанда гомуми мәйданы 4,7 миллион булган 769 күп фатирлы торак йортка капиталь төзекләндерелү үткәрергә планлаштырыла.
Программаның финанслау күләме 6 миллиард 441 миллион сум. Бу хакта Татарстан Республикасының Хөкүмәт йортында узган киңәшмәдә республиканың төзелеш, архитектура һәм торак-коммуналь хуҗалык министры Марат Айзатуллин белдерде.
Барлык муниципалитетлар катнашында видеоконференция форматында оештырылган киңәшмәне Татарстан Республикасы Президенты Рөстәм Миңнеханов үткәрде. Анда ТР Премьер-министры Алексей Песошин да катнашты, дип хәбәр итә республика җитәкчесенең матбугат хезмәте.
Докладчы сүзләренә караганда, социаль-мәдәни өлкә объектларын төзү һәм капиталь ремонтлау, торак-коммуналь хуҗалыкны модернизацияләү программалары арасыннан егерме икесен Татарстан Министрлар Кабинеты раслаган. Шул ук вакытта өч программа әлегә эшләнә, икесе буенча Хөкүмәт күрсәтмәләре проектлары — ведомствоара килешүдә, ә дүртесе инде Министрлар Кабинетының үзенә тапшырылган.
Татарстан Төзелеш министрлыгы башлыгы капиталь ремонт үткәрүгә аукцион лотларын формалаштыру өчен муниципалитетлар тарафыннан Татарстанның Торак-коммуналь хуҗалыгы фондына документлар тапшыруның сүлпән булуын искә төшерде. «Дүрт муниципаль берәмлектә урнашкан 177 күп фатирлы йортка документлар тапшырылмаган», — дип аңлатты ул.
Муниципаль районнарның махсус коммуналь техника паркын яңарту дәвам итә. Ул 2017 елдан башлап системалы гамәлгә куела. Беренче өч елда муниципалитетлар аренда килешүләре буенча гомуми бәясе 1 миллиард 517,2 миллион сум булган 360 машина алды, дип билгеләп үтте министр.
2021 елда 1 миллиард 125,4 миллион сумлык 155 махсус техника кайтартуга контрактлар төзелгән. Бүгенге көндә районнарга 69 машина тапшырылган, калганнарын график буенча киләсе өч ай эчендә кайтару планлаштырыла, дип өстәде Айзатуллин.
Кызыклы яңалыкларны күзәтеп бару өчен Телеграм-каналга язылыгыз