Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан юлларында аварияләр саны беренче яртыеллыкта 7,7 процентка кимегән
Татарстан 2022 елның беренче айларында юлларда авария буенча Россия төбәкләре арасында 52нче урынны алды. Шулай итеп, узган елның шул ук чоры белән чагыштырганда күрсәткеч 7,7 процентка кимегән, диелә РИА Рейтинг тикшеренүендә.
Аналитиклар мәгълүматлары буенча, гыйнвардан июньгә кадәр республикада 100 мең автомобильгә зыян күрүчеләр белән 107,6 юл-транспорт һәлакәте туры килгән. Аварияләрдә имгәнүчеләр һәм һәлак булучылар саны Татарстанда 100 мең кешесенә 50,1 тәшкил иткән.
«2022 елның гыйнварыннан июленә кадәр кешеләр зыян күргән юл-транспорт һәлакәтләре саны (Россия буенча) узган елның шул ук чоры белән чагыштырганда 7,1 процентка кимегән. Зыян күрүчеләрнең саны шулай ук кимегән: һәлак булучылар — 3,1 процентка, имгәнүчеләр — 7,2 процентка», - диелә тикшеренү материалларында.
2022 елның беренче яртыеллыгында рейтингны Чечня җитәкләгән. Анда гыйнвардан июньгә кадәр юл-транспорт һәлакәте 42,2 процентка азрак булган, бу узган елның шул ук айларына караганда кимрәк. Икенче урынны Ямал-Ненец автономияле округы алды, анда юл-транспорт һәлакәтләре саны, киресенчә, 4,6 процентка арткан, өченче урында - 7 процент күрсәткече белән Томск өлкәсе.
Кызыклы яңалыкларны күзәтеп бару өчен Телеграм-каналга язылыгыз