Татарстан трассасында ике җиңел машина бәрелешкән, ике пассажир һәлак булган

Скопировать ссылку

Кичә кич Яңа Чишмә районында Opel автомобиле белән идарә иткән 21 яшьлек егет каршы як полосага чыккан һәм «Лада» автомобиле белән бәрелешкән.

Юл-транспорт һәлакәтендә Opel пассажиры һәм «Лада» пассажиры урында ук үлгән. «Лада» йөртүчесе төрле җәрәхәтләр алган.

Фаҗига урынына Яңа Чишмә районы прокуроры вазыйфаларын башкаручы Ленар Мисбахов килгән. Процессуаль тикшерү оештырылган.