Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Тикшерү комитетыннан сейф белән 15 млн урлаучылар соңгы сүзен әйтте
Татарстан Тикшерү комитеты бинасыннан 15 млн сум белән сейфны урлауда катнашы булган Әлмәт егетләренең эшен тикшерү тәмамланды. Хөкем ителүчеләр эскәмиясендә Руслан Нургалиев, Никита Карабаев һәм Даниил Елинсон утыра.
Бүген хөкем ителүчеләр соңгы сүзләрен әйтте. Өч егет тә судтан үзләренә катгый җәза бирмәүләрен сорады. Алар сейфның эчендә нәрсә булуын белмәүләрен сылтау итә.
«Без барысын да исәпкә алырга һәм гадел хөкем чыгаруны сорыйбыз. Ул иректән мәхрүм итү белән бәйле булмас дип өметләнәбез», - диде хөкем ителүчеләрнең берсе Даниил Елинсон.
Искәртик, тикшерү версиясе буенча, алар тикшерүче-криминалист Марат Шакировка Тикшерү комитеты бинасыннан акча куелган сейфны алып чыгарга ярдәм иткән. Барысы да алдан уйланылган план буенча эшләгән. Шакиров, Нургалиев, Карабаев һәм Елинсон битлек киеп бинага үтеп кергән. Аннары бүлмәдәге сейфны тәрәзәдән алып чыкканнар.
Шакировны шәһәрдән чыгып китәргә җыенганда тоткарлаганнар. Калганнарын Әлмәт хокук тәртибен саклаучылар тоткарлаган.
Узган атнада прокуратура Нургалиев, Карабаев һәм Елинсон өчен 13 елга ирегеннән мәхрүм итүне сораган. Шакировның җинаять эше аерым карала. Якын арада суд аларга хөкем чыгарачак.
Кызыклы яңалыкларны күзәтеп бару өчен Телеграм-каналга язылыгыз