Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан спортчылары катнашындагы юл һәлакәте факты буенча җинаять эше кузгатылды
Барлык вазифаи затларның гамәлләренә бәя биреләчәк
(Казан, 21 май, «Татар-информ»). Түбән Новгород өлкәсендә Татарстан спортчылары катнашындлагы юл һәлакәте факты буенча РФ Җинаять кодексының 293 нче маддәсе 3нче өлеше ("Эшкә салкын карау аркасында, ике һәм аннан күбрәк кеше үлеменә китерү ") билгеләре буенча җинаять эше кузгатылды, дип белдерә Россия Тикшерү комитеты вәкиле Владимир Маркин.
Җинаять эшен Россия Федерациясе Тикшерү комитетының Түбән Новгород өлкәсе буенча тикшерү органнары кузгаткан.
Тикшерү мәгълүматларына караганда, 21 майда сәгать 4ләр тирәсендә Түбән Новгород өлкәсе Кстово районы Новое Ликеево торак пунктыннан 11 км ераклыкта урап уза торган юлда автобус “МAN” йөк машинасы белән “маңгайга-маңгай” бәрелешкән. Автобусның Казаннан Санкт-Петербургка барышы булган.
Юл-транспорт һәлакәте нәтиҗәсендә, 9 яшүсмер зыян күргән, 3 кеше үлгән, аларның 1се - балигъ булмаган кыз бала. Барлык балалар да Түбән Новгород хастаханәләренә озатылган, ә 2 бала бик авыр хәлдә.
“Җинаять эшен тикшерү кысаларында балалар өчен җаваплы барлык вазифаи затларның гамәлләре тикшереләчәк”, - дип ассызыклана хәбәрдә. Хәзер һәлакәт килеп чыгу сәбәпләрен ачыклауга юнәлдерелгән тикшерү эшләре бара.
Кызыклы яңалыкларны күзәтеп бару өчен Телеграм-каналга язылыгыз