Җәмгыять 24 март 2006 11:22

^Татарстан милиционерларының җыелма отряды Чечен Республикасына китә

Скопировать ссылку

(Казан, 24 март, «Татар-информ», Маһирә Миңнуллина). 26 мартта Татарстан милиционерларының җыелма отряды Чечен Республикасына китә. Алты айга сузылган командировка вакытында Татарстанның 140 милиционеры Гудермес шәһәрендә җәмәгатьчелек тәртибен сакларга ярдәм итәчәк.

ТР Эчке эшләр министрлыгының мәгълүмат бүлеге хәбәр итүенчә, милиционерларның җыелма отряды җитәкчесе итеп ТРсы Эчке эшләр министрлыгының Җәмәгатьчелек тәртибен саклау идарәсе башлыгы урынбасары милиция полковнигы Олег Маркин билгеләнгән. Ә җыелма отрядны Чечняга кадәр ТР Эчке эшләр министры урынбасары Рафил Нугуманов озатып барачак.

2001 елдан башлап Чечняда эш командировкасында 3,5 мең Татарстан милиционеры булып кайткан. Алар Моздок, Гудермес шәһәрләрендә, Шелковской районының Гребенская станицасында, Ханкала торак пунктында һәм республиканың башка төбәкләрендә хезмәт иткәннәр.

Сәхифәләр

^Татарстан милиционерларының җыелма отряды Чечен Республикасына китә