news_header_top_970_100
news_header_bot_970_100

Татарстан каратисты Россия чемпионы исемен яулады

Чаллы спортчысы Кирилл Прохоров иң зур авырлык үлчәвендә (80 килограммнан артык) Россия чемпионы булып танылды

(Казан, 23 март, “Татар-информ”). Чаллы спортчысы Кирилл Прохоров Мәскәүдә узган кеокусинкай-карате буенча ХХ ил чемпионатында иң зур авырлык үлчәвендә (80 килограммнан артык) Россия чемпионы булып танылды.
Турнирда илнең 40 төбәгеннән 150 дән артык спортчы катнашты, дип хәбәр итә ТР Яшьләр эшләре, спорт һәм туристлык министрлыгының матбугат хезмәте.
Чемпионлыкка бару юлында Кирилл Прохоров ярымфиналда 2009 елгы Ауропа чемпионы, дөнья чемпионаты призеры Артур Килловны, ә финалда Брянскидан Вячеслав Джалыйны отуга иреште.
Россия чемпионы, 2008 елда Россия Кубогын яулаган Кирилл Прохоров тиздән кеокусинкай ассоциациясе буенча Россия чемпионатында катнашачак, анда каратеның биш федерациясеннән иң көчле спортчылар очраша. Спортчының тренеры – Фаил Шәрифуллин.

news_right_column_1_240_400
news_right_column_2_240_400
Медиаметрикс
news_bot_970_100