Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан һәм Башкортстан ислам банкингын кертүне сынап карый торган төбәкләр булачак
Татарстан һәм Башкортстан ислам банкингын кертү буенча пилот төбәкләр исәбенә эләкте. Бу хакта Дәүләт Думасының финанс базары комитеты рәисе Анатолий Аксаков Kazan Digital Week форумының пленар сессиясендә хәбәр итте.
«Без Татарстанны һәм Башкирияне ислам банкингы идеясен гамәлгә ашыру буенча пилот төбәкләр исәбенә керттек», – диде депутат.
Аксаков әйтеп узганча, Россия Хөкүмәте Рәисе Дагыстанда һәм Чечняда мондый сынау проектын гамәлгә ашырырга тәкъдим иткән булган. Әмма, аның фикеренчә, Татарстанда бу юнәлештә эшләнгән эшләр күбрәк.
Хәзерге вакытта Дәүләт Думасына Россиядә ислам банкингын легальләштерү турында закон проекты кертелә, дип өстәде Аксаков. «2023 елда эшләтеп җибәрү өчен, аны агымдагы ел ахырына кадәр кабул итәргә ниятлиләр. Ул шул исәптән безнең илдә цифрлы инструментлар үсешенә дә ярдәм итәчәк», – диде ул.
Кызыклы яңалыкларны күзәтеп бару өчен Телеграм-каналга язылыгыз