Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан делегациясенең Саксониягә визиты барышында берничә документка кул куелды
Татарстан Президенты Р.Миңнеханов Лейпциг ярминкәсе конгресс-үзәгендә Саксония Премьер-министры С.Тиллих белән очрашты
(Казан, 1 март, «Татар-информ»). Бүген Татарстан Республикасы Президенты Рөстәм Миңнехановның Ирекле Саксония дәүләтенә эшлекле визиты барышында Россия һәм Германия төбәкләренең алдагы хезмәттәшлеге турында берничә документ имзаланды.
Рөстәм Миңнеханов үзенең туган көнендә Лейпциг ярминкәсе конгресс-үзәгендә Ирекле Саксония Премьер-министры Станислав Тиллих белән очрашты. Очрашу нәтиҗәләре буенча Р.Миңнеханов һәм С.Тиллих Татарстан башлыгының Саксониягә эшлекле визитының йомгаклау беркетмәсен имзалады, дип хәбәр итә ТР Президентының матбугат хезмәте.
Туполев исемендәге Казан дәүләт техник университеты ректоры Юрий Гортышев һәм Хемниц шәһәре Машина төзүчеләр компетенция үзәге президенты Ханс Юрген Науманн Рөстәм Миңнеханов һәм Станислав Тиллих катнашында Татарстан Республикасында машина төзелеше буенча Германия-Россия компетенцияләр үзәген төзү проектын бергәләп гамәлгә ашыру турындагы килешүгә кул куйды.
Шулай ук Юрий Гортышев һәм Хемниц шәһәренең Фраунхофер станоклар төзү һәм басым белән эшкәртү технологияләре институты (IWU) җитәкчесе Раймунд Нойгебауэр Туполев исемендәге Казан дәүләт техник университеты һәм IWU арасында килешү имзалады.
Бүген Татанстан делегациясе әгъзалары Германиянең татар җәмгыяте вәкилләре белән дә очрашты. Очрашу барышында Рөстәм Миңнеханов җәмгыять активистларына Рәхмәт хатлары тапшырды.
Кызыклы яңалыкларны күзәтеп бару өчен Телеграм-каналга язылыгыз