Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан делегациясе Мәскәүдә «Бердәм Россия” партиясенең XV съездында катнаша
Дискуссия мәйданчыкларының берсе Дәүләт Думасына сайлауларда беренчел тавыш бирү нигезләмәсе турында фикер алышуга багышланачак
(Казан, 3 февраль, «Татар-информ»). Татарстан делегациясе Мәскәүдә «Бердәм Россия” партиясенең XV съездында катнаша. Беренче көнне, Дәүләт Думасына сайлауларда беренчел тавыш бирү нигезләмәсе турында фикер алышудан тыш, мәгариф, авыл хуҗалыгы, бюджет һәм салым сәясәте, сәламәтлек саклау, транспорт, мәдәният проблемаларына да игътибар бирергә ниятлиләр, дип хәбәр итә “Бердәм Россия” БСП ТТБ мәгълүмат үзәге.
Россия партия съездында Татарстаннан 33 делегат катнаша. Аларның барысы да диярлек - республика районнарыннан “БР” беренчел оешмалары секретарьлары. Делегацияне “Бердәм Россия” БСП ТТБ секретаре, ТР Дәүләт Советы Рәисе Фәрит Мөхәммәтшин җитәкли.
“Татарстан барлык дискуссия мәйданчыкларында да тәкъдим ителәчәк. Әмма бер үк вакытта барысында да катнашу мөмкинлеге булмау үкенечле, анда шулкадәр кызыклы, актуаль темалар яктыртылачак”, - дип сөйләде партиянең төбәк башкарма комитеты җитәкчесе Андрей Кондратьев. Ул Дәүләт Думасына сайлауларда беренчел тавыш бирү турындагы нигезләмә турындагы мәйданчыкта катнашачак.
Съездның пленар утырышы 6 февральдә узачак. Анда РФ Хөкүмәте Рәисе, “Бердәм Россия” БСП рәисе Дмитрий Медведев катнашачак.
Кызыклы яңалыкларны күзәтеп бару өчен Телеграм-каналга язылыгыз