news_header_top_970_100
news_header_bot_970_100

Татарстан делегациясе махсус хәрби операциядә катнашучылар белән очрашты

Татарстан делегациясе Үзәк хәрби округның авиация часте белән очрашты. Әлеге часть Украинада махсус хәрби операциядә катнаша. Бу хакта Татарстан Республикасының Россия Федерациясендәге Тулы вәкаләтле вәкиллегендә сөйләделәр.

Хәрби хезмәткәрләргә 40 тоннага якын кирәк-яраклар: генераторлар, йоклау өчен капчыклар, азык-төлек һәм башкалар тапшырылды. Йөкне Үзәк округ бүлекчәләре һәм РФ Һава-десанты гаскәрләре урнашкан урыннарга җибәрделәр.

Делегацияне Татарстанның Вице-премьеры – Татарстан Республикасының Россия Федерациясендәге Тулы вәкаләтле вәкиле Равил Әхмәтшин җитәкләде. Ул алдынгы хәрби хезмәткәрләргә Чистай заводында эшләнгән «Z» һәм «ЦВО» язулары төшерелгән командир сәгатьләрен тапшырды. Ул шулай ук бүләкләнгән солдатларның һәрберсенә түбәтәй бүләк итте. Күптән түгел Мәскәүдә Сабантуй узды, анда традиция буенча һәр батырга татарларның милли баш киеме бүләк ителә, дип билгеләп үтте Равил Әхмәтшин.

РФ Президенты Владимир Путин 24 февральдә Украинада махсус хәрби операция башлану турында игълан итте. Көнбатыш илләре бу адымны тәнкыйть белән кабул итте һәм Россиягә каршы санкцияләрне катгыйлаштыра башлады. Шулай ук алар Украина ягына төрлечә ярдәм күрсәтә башлады.

news_right_column_1_240_400
news_right_column_2_240_400
news_bot_970_100