Югра төбәгендә «Дуслык фестивале» узды

Балалар, яшьләр арасында оештырылган әлеге фестиваль тирә-якта яшәүче татар һәм башкорт халкын берләштерде.

(Казан, 31 март, «Татар-информ»). Лангепас шәһәрендә эшләп килүче «Якташлар» җәмгыяте «Дуслык җыры — 2021» исемле фестиваль үткәрде.

Балалар, яшьләр арасында оештырылган әлеге фестиваль тирә-якта яшәүче татар һәм башкорт халкын берләштерде, яшь талантларны тагын бер кат барлады, дип хәбәр итә Бөтендөнья татар конгрессы.

Фестивальнең режиссёры, Роза Низамова фестивальне оештырырга ярдәм итүчеләргә, катнашучыларга, тамашачыларга, килгән кунакларга зур рәхмәтен белдерде.