Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Мирас» бию ансамбле җитәкчесе Әстерханда татар мәдәни үзәге оештырырга тели
Татарстанның атказанган мәдәният хезмәткәре Дәүләт Үмәров туган ягы Әстерханга кайтып, татар мәдәниятен үстерү белән шөгыльләнәсе килүен Бөтендөнья татар конгрессы Башкарма комитет җитәкчесе Данис Шакировка сөйләде.
(Казан, 30 октябрь, «Татар-информ»). Казанның «Мирас» бию ансамбле җитәкчесе, тумышы белән Әстерхан өлкәсеннән булган Дәүләт Үмәров Әстерханда татар мәдәнияте үзәге төзергә тәкъдим ите. Бу турыда Бөтендөнья татар конгрессы хәбәр итте.
29 октябрьдә Бөтендөнья татар конгрессында Башкарма комитет җитәкчесе Данис Шакиров Татарстанның атказанган мәдәният хезмәткәре Дәүләт Үмәров белән очрашты. Дәүләт Үмәров Әстерхан өлкәсенә күчеп кайту нияте һәм анда татар мәдәнияте үсешен тәэмин итүче үзәк булдыру теләге барлыгын әйтте.
Бу сорауны хәл итүдә Хөкүмәтнең булышлыгы да бик мөһим дип ассызыклады ул һәм Татарстан Президентына рәсми хат юлларга ниятләвен җиткерде. Данис Шакиров бу идеяне хуплады һәм конгресс ягыннан да булышлык булачагын әйтте.
Шулай ук, әлеге очрашуда филология фәннәре кандидаты, күп кенә фәнни хезмәтләр авторы Фәнзилә Җәүһәрова да катнашты. «Төмәндә, Пензада, Пермьдә бик матур ансамбльләребез эшләп килә, безнең теләгебез — Әстерханда да татар мәдәнияте үсеше өчен мәйдан булдыру», — ди ул.
Очрашуда 2020 елның төп темаларының берсе «Гамәл Стратегиясе» турында да фикер алыштылар. Әлеге документ 2020нче елның августында «Милләт Җыены» нда кабул ителде, диелә бу хәбәрдә.
Дәүләт Үмәров Әстерхан өлкәсенең Идел буе районыда туган. 2005 елда Казанга күченеп, «Мирас» бию ансамблен төзи. Ул республиканың традицион мәдәниятне үстерү үзәгендә фәнни эшчәнлек тә алып бара. 2016 елдан башлап Казан дәүләт мәдәният һәм сәнгать университетында укыта.
Кызыклы яңалыкларны күзәтеп бару өчен Телеграм-каналга язылыгыз