Сахалинда татар солдатларына мемориал ачыла

Чара Бөек Җиңүнең 70 еллыгы уңаеннан үткәрелә

 (Казан, 24 июнь, “Татар-информ”). Бөек Ватан сугышында катнашкан татарлар истәлегенә 28 июнь көнне Сахалин өлкәсенең Долина районы Совет авылында мемориал ачыла. Чара Бөек Җиңүнең 70 еллыгы уңаеннан үткәрелә. Анда ТР вәкилләре дә чакырулы.

Мемориалны ачу инициативасы белән Сахалин өлкәсенең Долинск, Невельск, Холмск, Углегорск муниципаль берәмлекләренең татар милли-мәдәни автономияләре чыккан, диелә “Татарлар. info” сайтында.

Урта гасырларда Сахалин Татар утравы дип аталган һәм Бөек Тартария составына кергән. Утрау белән материк арасындагы бугазның Татар бугазы дигән исеме бүген дә саклана.