Пензада "Татар кызчыгы. Нәни энҗеләр" өлкәкүләм бәйгесенең җиңүчеләрен ачыклыйлар

Өлкәкүләм конкурста 7-10 яшьлек кызлар ярышачак.
(Казан, 24 гыйнвар, "Татар-информ"). 27 гыйнвар көнне Пензада "Татар кызчыгы. Нәни энҗеләр" бәйгесенең җиңүчесен ачыклаячаклар. Бу хакта Пенза татарлары автономиясе хәбәр итә.  Өлкәкүләм конкурста 7-10 яшьлек кызлар ярышачак. Моңа кадәр алар районкүләм бәйгедә җиңү яулаган.  Район ярышларында кызлар музыкага, шигъриятькә, аш-суга осталыкларын күрсәткән. Жюри әгъзалары аларның пилмән ясау осталыгын тикшергән. Шулай ук катнашучылар хөкемдарларга татар халык ризыкларын тәкъдим иткән. Бу эштә аларга әниләре, әбиләре ярдәмгә килгән.  Бәйгенең максаты - татар халкының гореф-гадәтләрен саклау һәм үстерү. Яшь буынга җиткерү максатыннан, тарих, ана телен, мәдәни һәм рухи мирасны өйрәнү, диелә хәбәрдә.