Казан Сабан туеның кайда үткәреләчәге мәгълүм булды

Татарстан башкаласында милли чара 15 июль көнне уздырыла.

(Казан, 23 июнь, “Татар-информ”, Лилия Локманова). Казан Сабан туеның кайсы мәйданда уздырылачагы мәгълүм булды. Бу хакта “Татар-информ” мәгълүмат агентлыгына Казан мэриясе матбугат хезмәте хәбәр итте.

Билгеле булганча, Татарстан башкаласында милли чара 15 июль көнне үткәреләчәк. Аны казанлылар һәм шәһәребез кунаклары Тынычлык бистәсендәге Каенлыкта бәйрәм итәчәк.

Ат чабышлары исә, гадәттәгечә, Казан ипподромында узачак.