Пермьдә балалар Сабан туе уздыруда ярдәм итәр өчен волонтерлар эзлиләр

Милли бәйрәм 2 июньгә билгеләнгән.
(Казан, 23 апрель, "Татар-информ"). Пермь "Чәк-чәк" татар яшьләре берләшмәсе край күләмендә оештырылачак балалар Сабан туен уздыру өчен волонтерлар эзли. Милли бәйрәм 2 июньгә билгеләнгән. "Чәк-чәк" вәкилләре хәбәр итүенчә, чара Пермь шәһәренең М.Горький исемендәге ял паркында үтәчәк. 
 
Бәйрәмнең тулырак программасы һәм афишасы май башында билгеле булачак, диелә хәбәрдә.