Әстерхан татарларын флешмобка чакыралар

Чарада катнашучылар һәм кунакларны яшьләр бию баттлы, өлкән яшьтәгеләр өчен үзенчәлекле татар вальсы, концерт номерлары һәм бию ансамбльләренең чыгышлары көтә.

(Казан, 22 октябрь, «Татар-информ»). 24 октябрьдә Әстерхан шәһәрендә «Биюче шәһәр» дигән флешмоб узачак. Бу хакта Бөтендөнья татар конгрессының матбугат хезмәте хәбәр итә

Ул шәһәрдә әле беренче тапкыр гына үтә. Әстерхан өлкәсе татарлары автономиясе шәһәрдә яшәүчеләрне әлеге чарада катнашырга чакыра.

«Чарада катнашучылар һәм кунакларны яшьләр бию баттлы, өлкән яшьтәгеләр өчен үзенчәлекле татар вальсы, концерт номерлары һәм бию ансамбльләренең чыгышлары көтә. Шулай ук кайнар чәй һәм тәмле камыр ризыклары белән тамак ялгап алырга да мөмкин. Чара массакүләм бию номеры белән төгәлләнәчәк», диелә хәбәрдә.