Омск татарлары "Мин татарча сөйләшәм" акциясенә әзерләнә

Чара "фатирник" форматында узачак.

(Казан, 22 апрель, "Татар-информ"). 26 апрель көнне Омск татарлары "Мин татарча сөйләшәм" акциясендә катнашырга чакыра. Бу хакта җирле милләттәшләрнең "Мәдәният" милли-мәдәни автономиясе хәбәр итә. Чара татар мәдәни мохитен тоярга, милли көйләрнең заманча яңгырашын тыңларга, татар яшьләре белән аралашырга теләүчеләр өчен оештырыла. Акция фатирник форматында узачак. Бу форматта Омск татар яшьләре тәүге чарасын уздырачак, диелә хәбәрдә.