Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саратов мөселманнары борынгы Сарай-Бату шәһәре тарихи комплексын карады
Хәзерге вакытта Әстерхан өлкәсендә Сарай-Бату шәһәре урынында XIII гасыр стилендә төзелгән мәдәни-тарихи комплекс урнашкан.
(Казан, 21 сентябрь, «Татар-информ»). Идел буе Болгар дәүләтендә ислам динен рәсми кабул итүгә 1100 ел тулуны бәйрәм итү кысаларында Саратов шәһәре мөселманнары Әстерхан өлкәсендә борынгы Сарай-Бату шәһәре урынын карады һәм тарихи реконструкция урынында булды.
Россия Мөфтиләр шурасы хәбәр иткәнчә, делегация составында Саратов Җәмигъ мәчете имам-хатыйбы Рөстәм хәзрәт Мөхитов, «Яңарыш» мәдәни-агарту оешмасы җитәкчесе Рөстәм хаҗи Әбделмәнов, шулай ук Саратов өлкәсенең мөселман оешмалары активистлары булган.
Экскурсия һәм Сарай-Бату тарихы белән танышканнан соң, Саратов мөселманнары делегациясе Әстерхан кремлендә һәм өлкә үзәге мәчетендә булды. Шулай ук «Әстерхан өлкәсе казахлары» иҗтимагый оешмасы җитәкчелеге һәм активистлары белән очрашу оештырылган, диелә хәбәрдә.
Борынгы Сарай-Бату шәһәренә 1250 елда Чыңгызханның оныгы Батый хан нигез салган. Алтын Урда башкаласының атамасы аның исеменнән килеп чыккан. Сарай-Бату хәзерге Әстерханның төньягыннан 130 чакрым читтәрәк урнашкан.
Башта борынгы шәһәр урынында күчмә халыклар өчен туктап тору урыны булган, еллар узгач кына анда яңа төзелеш һәм корылмалар барлыкка килә.
Хәзерге вакытта Сарай-Бату шәһәре урынында XIII гасыр стилендә төзелгән мәдәни-тарихи комплекс урнашкан.
Кызыклы яңалыкларны күзәтеп бару өчен Телеграм-каналга язылыгыз