Токионың Сэтагая районында төрле милләтләргә багышланган бәйрәм була, анда татарлар да үзен күрсәтә

Бу хакта “Татар-информ” агентлыгының күптәнге танышы – татар телен шәп итеп үзләштергән Юто Хишияма хәбәр итә

 (Казан, 31 февраль, “Татар-информ”). Иртәгә Япония башкаласы Токионың Сэтагая районында төрле милләтләргә багышланган бәйрәм узачак. Райондашлары бәйрәмендә татарлар да катнашачак, аерым алганда, алар арасында Гөлнара Карасава һәм Дина туташ та бар, дип хәбәр итә “Татар-информ” агентлыгының күптәнге танышы – татар телен үзлегеннән шәп итеп үзләштергән, татар һәм башкорт телләрен чагыштырып, фәнни хезмәт язу белән мәшгуль Юто Хишияма. Аның сүзләренчә, узган ел Сэтагаяда мондый рухта бер бәйрәм булган, анда катнашкан төрле милләт кешеләренә татарларның чәкчәге бик ошаган. Юто исә сеңелесе белән чәкчәкне үзе пешерергә өйрәнгән – социаль челтәр ярдәмендә үз вакытында егет дусларын шул хакта хәбәрдар иткән иде.