Саратов татар гимназиясендә үткәрелгән футбол буенча чемпионатта 9 команда көч сынашкан

Командалар 5 сәгатькә якын төп бүләк өчен көч сынашкан.
(Казан, 20 сентябрь, "Татар-информ"). Саратов татар гимназиясендә үткәрелгән футбол буенча чемпионатта 9 команда көч сынашкан. Бу хакта "Сары Тау" татар яшьләре иҗтимагый оешмасы хәбәр итә. 
 
Футболчылар 5 сәгатькә якын төп бүләк - 3 мең сум өчен ярышкан. Ярымфиналга 4 команда: Алтат, Шәех Сәид мәдрәсәсе, Пугачев һәм Сафаровка авыллары уенчылары чыккан. 
 
Өченче урын өчен көч сынашуда мәдрәсә шәкертләре командасы Пугачев авылы егетләрен җиңгән.
 
Беренчелек өчен ярышкан Алтат һәм Сафаровка командаларыннан Алтат футболчылары өстенлек күрсәткән. 
 
Чемпионаттан соң катнашучылар "Учак кичәсе"нә җыелып, татарча җырлар җырлаган, бергәләп ял иткән.